مكرونة بالجبن رووووووووعة مع الصور

</A>
اليوم جايبة لكم طبق مرة سهل ومرة مرة مرة لذيذ
ونزلته لكم بمناسبة اللقب الجديد (مشرفة ركن يا أخواتي ساعدوني)
والله يقدرني على مساعدة كل من يحتاج للمساعدة
ويارب أكون عند حسن ظنكم

هذا الطبق أخذته من وحدة من صديقاتي ادعو لها ربي يوفقها بدراستها
وبصراحة كل من ذاقه أخذ الطريقة..

مالكم بالطويلة

هذي المقادير مع الطريقة والصور على طول لاختصار الوقت:_


أول شي تسلقين مكرونة سباقيتي مع ملح وشوية زيت
مدة السلق طبعا 8 دقايق وتصفينها من الماء

تقطعين بصل صغار وتحمسينه بشوية زيت وتحطين عليه لحم مفروم (حسب كمية المكرونة)
وتضيفين عليه ملح وفلفل أسود فقط
وتقلبين فيه بين فترة وفترة لين يستوي

وهذا شكله بعد ما استوى

لكيس مكرونة تحتاجين إلى:
(علبة قشطة - كاس جبن كاسات - 5 إلى 7 ملاعق مايونيز - نص بيالة ماء)
وتخلطينهم مع بعض بالسلك اليدوي
و اقسمي المقادير للنص إذا كانت كمية المكرونة أقل

هذا شكلها بعد الخلط

نجيب صينية بايركس ونحط فيها المكرونة

تحطين اللحم المفروم فوق المكرونة

تصبين خلطة الجبن فوق اللحم المفروم

وهذا شكلها بعد ما أضفنا الجبن

تغطين الوجه كامل بالبقسماط وتدخلينها الفرن تتحمر من فوق

وهذا شكلها بعد ما طلعت من الفرن
ماشاء الله تبارك الرحمن

وهذي صورة أقرب

وهذا شكلها من جنب عشان تشوفون كيف سال الجبن وتغلغل بين المكرونة (حلوة تغلغل) خخخخ

وهذي بعد ما قطعناها

وطبعاً تقدم مع سلطتك المفضلة
أنا أفضلها مع الفتوش يم يم يم

وبالعافية على قلوبكم
وأبيكم تجربونها وتدعون لي